प्रसूतीनंतर पोटाला बांधावे का?

डिलिव्हरीनंतर पोटाची चरबी कमी करण्याचे सर्वात सोपे उपाय!

प्रेग्नेंसी दरम्यानच नाही तर डिलिव्हरीनंतरही स्त्रीयांना अनेक प्रकारच्या मानसिक व शारीरिक त्रासातून जावे लागते आणि त्यामधील एक म्हणजे वजन वाढणे किंवा चरबी वाढून सडपातळ बांधा दिसेनासा होणे. तर यावर तुम्ही अगदी साधेसोपे उपाय करुन नियंत्रण मिळवू शकता.
 
गरोदर स्त्रीची डिलिव्हरी झाली म्हणजे तिचा सर्व त्रास आणि समस्या संपल्या असे अनेकांना वाटते. पण असे नसते, उलट डिलिव्हरी झाल्यावर अशा अनेक गोष्टी असतात ज्या स्त्रीला सतावू शकतात. त्यापैकीच एक गोष्ट म्हणजे पोटाची चरबी वाढणे होय. गरोदरपणावेळी स्त्रियांचे वजन वाढणे एक सामान्य गोष्ट आहे, परंतु गरोदरपणाचा काळ संपला आणि डिलिव्हरी झाली की हे वजन कमी करणे अतिशय कठीण होऊन बसते. गर्भात बाळासाठी जागा व्हावी म्हणून स्नायू आणि पेशी स्वत:हून प्रसारण पावतात व जागा बनवतात.

एवढेच नाही तर बाळाला जागा व्हावी म्हणून छोटे आतडे आणि पोट सुद्धा एका बाजूला थोडे शिफ्ट होते. या सगळ्या गोष्टींचा परिणाम म्हणून पोटाची चरबी वाढलेली दिसते आणि डिलिव्हरी झाल्यावर हि चरबी स्त्रीला नकोशी होते, कारण त्यामुळे शरीर विचित्र वाटते आणि तिच्यामध्ये न्यूनगंड सुद्धा निर्माण होऊ शकतो. तर मग पोटाची हि चरबी कशी कमी करावी? चला जाणून घेऊया.

मालिश
जिममध्ये जाऊन वर्कआउट करण्याची इच्छा नसेल, जास्त मेहनत घ्यायची नसेल तर चरबी कमी करण्याचा सर्वात सोप्पा उपाय आहे मालिश! मालिश केल्याने पोटाची चरबी कमी होण्यास मदत होते. मालिश केल्याने फॅट रिलीज आणि वितरीत होते आणि मेटाबोलिज्‍म सुद्धा सुधारते. यामुळे बेबी फॅट पासून सुटका मिळते. जर दर आठवड्याला मालिश केली तर लाभ जलद दिसून येईल. ज्या स्त्रियांना व्यायामासाठी वेळ मिळत नाही त्यांनी अवश्य मालिश करण्याचा पर्याय अवलंबवावा.

डायट
डिलिव्हरी झाल्यावर बाळाला प्राणापेक्षा जास्त जपावं लागतं. त्याच्यावर प्रत्येक सेकंद लक्ष ठेवावं लागतं. 24 तास बाळाची देखभाल करण्यासाठी आईच्या शरीरात सुद्धा तेवढी उर्जा असणे गरजेचे आहे. हि उर्जा मिळवण्यासाठीच स्त्रीने सहाय तितका संतुलित आणि पौष्टिक आहार घ्यायला हवा. पोटाची चरणी नियंत्रित ठेवायची असेल तर डायट मध्ये फायबरयुक्त पदार्थांचा समावेश करावा. जेणेकरून पोट दरोरोज साफ होईल. ओट्स, हिरव्या पालेभाज्या, प्रोटीन, मसाले यांचा डायट मध्ये वापर करावा शिवाय दिवसभर भरपूर पाणी प्यावे.

ग्रीन टी
हो ग्रीन टी सुद्धा डिलिव्हरी नंतर स्त्रीला पोटाची चरबी कमी करण्यात मदत करू शकते. ग्रीन टी मध्ये अनेक अशी तत्वे असतात जी फॅट बर्न करण्याची प्रक्रीया वाढवतात. त्या प्रक्रियेला वेग देतात. ग्रीन टी मध्ये एपिगेलोसेटंचिन गेलेट नावाचं अँटीऑक्सीडेंट असते जे मेटाबोलिज्‍मला दुरुस्त करते. ग्रीन टी प्यायल्यास वजन कमी करण्यात खूप मदत मिळते. त्यामुळे रोजचा चहा काही काळ बाजूला ठेवून शक्य तितका ग्रीन टी प्यावा.

टोमॅटो व लसूण
डिलिव्हरी नंतर पोटाची चरबी कमी करण्याचा सर्वात प्रभावशाली मार्ग आहे टोमॅटो! टोमॅटो हे ब्लड शुगरला संतुलित राखतात ज्यामुळे सतत लागणारी भूक नियंत्रित राहते. टोमॅटो मध्ये लाईकोपिन आणि बीटा केरोटीन सुद्धा असतात जे मेटाबोलिज्‍मची प्रक्रिया वाढवून चरबी करतात. रोज सकाळी उपाशी पोटी दोन ते चार लसणाच्या पाकळ्या चावल्याने सुद्धा पोटाची चरबी कमी होते. लसूण खाल्ल्यानंतर लगेच लिंबु पाणी प्यायल्याने जास्त फायदा मिळतो.

दालचीनीचे पाणी आणि कारल्याचा ज्यूस
अर्धा चमचा दालचिनीची पावडर घ्यावी आणि त्याला एक ग्लास कोमट पाण्यात मिसळा. यानंतर हे पाणी गळून घ्या. याची चव वाढवण्यासाठी तुम्ही यात मध सुद्धा टाकू शकता. हे पाणी सकाळी नाश्ता करण्याआधी आणि रात्री झोपण्यापूर्वी प्यावे. याशिवाय कारल्याचा ज्यूस सुद्धा चरबी कमी करण्यात मदत करतो. सुत्ल्ले पोट नियंत्रणात आणण्यासाठी आवर्जून रोज सकाळी कारल्याचा ज्यूस प्यावा. तर हे आहेत काही साधे सोपे उपाय जे गरोदर स्त्री डिलिव्हरीनंतर सुटलेल्या पोटाची चरबी कमी करण्यासाठी वापरू शकते. या उप्यांचे कोणतेही साईड इफेक्ट्स नसून तुम्ही कोणतीही भीती न बाळगता हे उपाय करू शकता आणि पुन्हा आपले शरीर सलीम करू शकता. हा लेख इतरांसोबत सुद्धा शेअर करा आणि त्यांना सुद्धा हे उपाय सांगून पोट कमी करण्यात मदत करा.